Home Welsh

Cymdeithas Gofal Sir Benfro

Gwithredu ar Gyfer y Digartref yn Sir Benfro

english

Mae Mae Cymdeithas Gofal Sir Benfro yn elusen gofrestredig a sefydlwyd yn 1979. Y nod ar y dechrau yn bennaf oedd ail setlo troseddwyr ifanc ac fe lwyddodd y Gymdeithas i reoli prosiect cyflogaeth a chynllun cymorth i ddioddefwyr. Ers hynny y mae’r nodau a’r amcanion wedi newid. Erbyn hyn mae’r Gymdeithas yn ceisio helpu pob person digartref trwy ddarparu cyngor, cymorth a gwasanaeth adfocatiaeth er mwyn eu galluogi i gael llety diogel y gallen nhw ei fforddio. Fe all hynny yn ei dro leddfu unrhyw straen sy’n gallu arwain at broblemau cymdeithasol eraill

GWEITHREDU AR GYFER Y DIGARTREF YN SIR BENFRO

Mae Gweithredu ar gyfer y Digartref yn Sir Benfro yn fforwm sy’n cynnwys sefydliadau statudol a gwirfoddol lleol sydd â diddordeb yn y digartref a’u problemau. Mae’r grŵp yn cyfarfod yn rheolaidd i drafod, cytuno a datblygu strategaethau er mwyn helpu’r digartref yn Sir Benfro.

Crynodeb

Rydym yn ymdrechu i fod yn sefydliad blaenllaw, yn barod ac yn gallu addasu i gwrdd ag anghenion ein defnyddwyr. Mae Cymdeithas Gofal Sir Benfro yn cynorthwyo’r digartref (drwy arian o wahanol ffynonellau), drwy adnabod ac amlygu’r materion ac yna cynllunio, datblygu a chynnig gwasanaethau i’w lliniaru.

Mae digartrefedd yn digwydd oherwydd nifer o resymau ac nid oes neb na all hyn ddigwydd iddynt. Mae pobl wedi cyflwyno eu hunain fel rhai heb gartref drwy dor perthynas, (teulu, partner, ffrind neu berchennog tŷ) dianc o gamdriniaeth a thrais, gorlenwi o fewn y cartref, colli swydd methu fforddio talu rhent, newid mewn amgylchiadau sydd wedi golygu adfeddiant cartref, gadael gofal, gadael carchar a thor iechyd meddwl - gall y rhestr fynd ymlaen ac ymlaen. Mae digartrefedd yn broblem amlochrog sydd â chysylltiadau gyda phroblemau cymdeithasol neu’n ymwneud ag iechyd. O brofiad rydym wedi darganfod na ellir ymdrin â’r materion eraill heb fod llety diogel a fforddiadwy gan bobl.

Spiral, Spinning Horizontal Line